Cambre entregou os “Supermouchos”, premios aos usuarios das tres bibliotecas municipais que máis libros levaron en préstamos durante o último ano. Sesenta usuarios, os máis lectores do ano, das tres bibliotecas (Central, Xabier Docampo e Templarios) recibirán un diploma acreditativo e un libro. O concelleiro de Cultura, Ramón Boga, entregará os Supermouchos.
Os premios Supermouchos veñen do programa “Moucho Leroucho” que ten unja programación estable dende outubro ata maio nas tres bibliotecas municipais e nas aulas de Educación Infantil e 1º de Primaria de todos os centros de ensinanza pública de Cambre. Os premios supermouchos deste ano inclúen a nenos de tres anos ata persoas de máis de 70 anos.
Por outra banda, en próximas datas, na biblioteca Os Templarios, a directiva da Asociación Galega do Libro Infantil e Xuvenil (Gálix) fará entrega do premio á usuaria da Biblioteca Os Templarios, Nerea Tomé Regueiro, gañadora do concurso “Atopa un animal de Conto” promovido para celebrar o día do libro infantil e xuvenil.
